N.Ábiqaev Senattyń Halyqaralyq qatynastar, qorǵanys jáne qaýipsizdik komıtetine múshe bolyp saılandy
ASTANA. QazAqparat - Búgin QR Parlamenti Senatynyń jalpy otyrysynda QR Prezıdenti Nursultan Nazarbaevtyń Jarlyǵymen senator bolyp taǵaıyndalǵan Nurtaı Ábiqaev Halyqaralyq qatynastar, qorǵanys jáne qaýipsizdik komıtetine múshe bolyp saılandy.
«Nurtaı Ábiqaıulyn barlyǵyńyz jaqsy bilesizder. Belgili memleket qaıratkeri. 2007 jylǵa deıin ol Senat tóraǵasy bolyp jumys istegen. Nurtaı Ábiqaıulyn depýtattyq qyzmetke kirisýimen quttyqtaımyz. Nurtaı Ábiqaıulynyń zań shyǵarý qyzmetine tyń serpin beretindigi anyq. Nurtaı Ábiqaıuly óziniń depýtattyq mindetin Halyqaralyq qatynastar, qorǵanys jáne qaýipsizdik komıteti quramynda oryndaý jóninde ótinish bildirdi», - degen QR Parlamenti Senatynyń Tóraǵasy Qasym-Jomart Toqaev N.Ábiqaevty atalǵan komıtettiń quramyna saılaý týraly Senat qaýlysyn daýysqa qoıdy.
Jalpy otyrysqa qatysqan 44 depýtat qaýlyny biraýyzdan qoldady.
