N.Á. Nazarbaev - qazirgi keshendi kóshbasshynyń úlgisi - ıÝ. Solozobov
/strong>Sáýirdiń 22-i. QazAqparat / Ádilet Musahaev / - Táýelsizdik alǵannan keıingi 20 jyl aralyǵynda Qazaqstan Respýblıkasy damýdyń belgili bir deńgeıine jetip otyr.
Bul kóp ýaqyt bolmaǵanymen jas Qazaqstannyń atqarǵan eńbegin, QR Tuńǵysh Prezıdenti N.Á. Nazarbaevtyń jetken jetistikterin saralap ótýge bolarlyqtaı. Bul jaıynda saıasattanýshy, Reseı ulttyq strategııa ınstıtýtynyń arnaıy jobalar boıynsha dırektory, «Qazaqstan» saıası jańalyqtar agenttiginiń bas redaktory ıÝrıı Solozobov «Qazaqstandaǵy prezıdenttik bılik - tabysty 20 jyl» atty kitabyn tanystyrý barysynda aıtyp ótti, dep habarlaıdy QazAqparat.
Onyń aıtýynsha, kitapta Ortalyq Azııanyń barlyq aýmaǵy men osy elde jumys istegen reseılik ǵalymdar men sarapshylardyń qorytyndysy jarııalanǵan. Sonymen qatar 20 jyldaǵy Qazaqstan halqynyń aıanbaı atqarǵan eńbegi men memlekettik jetistikteri baıandalǵandyǵyn jetkizdi.
«Bul kitapta reseıdiń jetekshi saıasatkerleri men ekonomısteri QR-nyń eki on jyldyqta jetken tabysy men prezıdent ınstıtýtynyń, memlekettiń qalyptasýynyń, QR saıasaty jáne QR Tuńǵysh prezıdenti N.Á. Nazarbaevtyń róli, ıaǵnı eńbegi jaıynda saralaıdy», deıdi ıÝ. Solozobov.
Sondaı-aq Qazaqstannyń 20 jyldaǵy eńbekteriniń mańyzyn aıta kele, elimizdiń Eýrazııanyń demokratııaly jas elderine úlgi bolatynyn jetkizdi.
«Qazaqstannyń Tuńǵysh prezıdenti: «Qazaqstan óziniń damý jolyn tańdap, sonymen kele jatyr. Biz álemdik tájirıbeni saralaı kele evolıýtsııalyq joldy tańdadyq, demokratııany jan-jaqty engizýde basqalardyń isterin qaıtalaýdan aýlaqpyz. Biz tek óz elimiz ben halqymyzǵa qajettini jasaýymyz kerek jáne ol qolymyzdan kelýde» dep aıtyp ótken edi», deıdi kitaptyń avtory.
Saıasattanýshynyń aıtýynsha Keńestik kezeńnen keıingi qıyn ýaqyttarda QR-sy TMD respýblıkalary arasynda erekshe oryn alǵan. 1990 jyldary ekonomıkalyq durys sheshimder qabyldaýynyń arqasynda alǵa jyljyp, óziniń damý jolyna túsken. Qazirgi ýaqytta Qazaqstan ekonomıkalyq damýy boıynsha Eýropanyń birneshe elderiniń deńgeıinde tur.
«Osy 20 jyl aralyǵynda QR Prezıdenti TMD elderi arasynda eń tanymal saıasatker retinde moıyndaldy. Bul onyń bedeliniń joǵary ekendigin jáne keshendi kósh basshy ekendigin kórsetedi. Sondaı-aq N.Á. Nazarbaev óziniń jańashyl ınnovatsııalyq sheshimderin de kórsete bildi», deıdi ıÝ.Solozobov.
Sondaı-aq jýrnalıst táýelsiz Qazaqstan óziniń qalyptasýynyń barlyq jetistikterine jáne Qazaqstan men onyń kósh basshysy kóptegen tabystarǵa qol jetkizgendigin aıtady.
«Bizdiń oıymyzsha, Qazaqstandy qıyn-qystaý kezeńde óz-ózine senimdi, bedeldi kósh basshy basqarýynyń arqasynda respýblıka álemdegi óz ornyn taba bildi jáne ol qazaq elin qanshama qıynshylyqtarǵa qaramastan óz jolymen júrgizip keledi», deıdi ıÝ. Solozobov.
