M.Jákishevtiń alaýda janyp jatqan gaz mólsheri týraly málimeti shyndyqqa saı emes – Energetıka mınıstri

ASTANA. KAZINFORM – Energetıka mınıstri Almasadam Sátqalıev «Qazatomónerkásip» ulttyq kompanııasynyń burynǵy basshysy Muhtar Jákishevtiń Qashaǵan, Qarashyǵanaq, Teńiz kenishterindegi munaımen ilesip shyǵatyn  8-9 mlrd tekshe metr gaz alaý retinde janyp ketip jatqany týraly málimetti teriske shyǵardy.

«Qazatomónerkásip» ulttyq kompanııasynyń burynǵy basshysy Muhtar Jákishev AES-tiń ornyna gaz generatsııasyn salýdy usyndy. Ol usynysqa ne aıtasyz?Onyń aıtýnysha jyl saıyn elimizde 8-9 mlrd tekshe metr gaz aýada janyp ketip jatyr. Bul ras pa?» - dep surady jýrnalıst.

Mınıstr bul usynys eskerýge jaramsyz dep esepteıtinin aıtty.

«Onyń gaz generatsııasyn paıdalaný týraly usynysy bizdiń konteksten túsip qalady. Óıtkeni ol jarııa etken tsıfrlar, 8-9 mlrd tekshe metr gaz kenish alaýlarynda janyp ketip jatyr degeni shyndyqqa saı kelmeıdi. ıAǵnı, biz is júzinde eń kóp degende 340 mln tekshe metr gaz jaǵamyz. Bul búkil gazdyń bir paıyzynan az. Munsha gaz generatsııa kózi bola almaıdy. Bizde gaz generatsııasyn damytýdyń júıeli jospary bar. Ol týraly buǵan deıin de aıtyp júrmin», - dedi Almasadam Sátqalıev.