MJÁ áleýmettik mańyzdy jobalardy ulǵaıtýǵa yqpal etedi

Semınarǵa «Qazaqstandyq MJÁ ortalyǵy» AQ ókilderi: Basqarma Tóraǵasynyń orynbasary - Sholpan Saparǵalı, Basqarýshy dırektorlar Janar Taıjanova jáne Talǵat Balqııaev, sondaı-aq «Astana ÁKK» UK» AQ jáne «Baıqońyr» ÁKK» UK» AQ qyzmetkerleri qatysty.
Bul shara - barlyq deńgeıdegi memlekettik organdar men bıznes qurylymdar arasynda MJK tetikterin engizý máseleleri boıynsha keń kólemdi ádisnamalyq jumystardy jalǵastyrý.

«MJÁ kópten beri kúlli álemde ózin jekemenshik ınvestıtsııalardy qoǵamdyq mańyzdy jobalardy qarjylandyrýǵa tartýdyń tıimdi jáne ıkemdi tetigi retinde kórsetip keledi», - dedi Janar Taıjanova.

Sondaı-aq, Ortalyqtyń Basqarýshy dırektorynyń aıtýynsha, MJÁ baıqaý negizinde jeke áriptesti tańdaýdy qamtıdy jáne bul semınar JAO kásipkerler arasynda konkýrstyq rásimderdi durys ótkizýdi, sapaly irikteýdi túsinýine baǵyttalǵan. Osyǵan baılanysty biz barlyq memlekettik organdar ókilderi arasynda túsindirý jumystaryn jalǵastyrýǵa, sondaı-aq kásipkerlik qoǵamdastyqpen kezdesý ótkizýge nıettimiz.

Qyzylorda oblysynan semınar qatysýshysy Lázzat Aldońǵarova bul semınardyń praktıkalyq paıdasyn atap ótti: «Nysandardy salyp qana qoımaı, ony paıdalaný, qyzmet sapasynyń tıisti deńgeıin saqtaı otyryp uzaqmerzimdi perspektıvada ony basqarý qajet. Búgingi semınar barshamyzǵa jańa bilim alýǵa járdemdesti degen oıdamyn. Sonymen birge óz deńgeıinde memlekettik-jeke áriptestik salasyna engizý úshin jańa ıdeıalar men jobalar týdyrady».

Semınar barysynda tańdaýshylarǵa tetikter bóligine túsindirý berildi, atap aıtqanda olardy praktıkada paıdalaný memleket pen bıznestiń ózara jumys isteýiniń jańa úlgilerin engizýge múmkindik beredi. «MJÁ týraly» zańnyń maqsaty ınfraqurylym men qoǵamdyq qyzmetter sapasyn jaqsartý úshin resýrstardy biriktirý jolymen memleket pen bıznes arasyndaǵy uzaqmerzimdi yntymaqtastyqty qayptastyrý jáne kúsheıtý bolyp tabylady.

«MJÁ týraly» zańǵa sáıkes, osy baǵdarlamanyń operatory retinde QR Úkimeti «Qazaqstandyq MJÁ ortalyǵy» AQ-ny aıqyndady. Oǵan «MJÁ týraly» Zańnyń №26 babyna sáıkes mynadaı ókilettikter bekitildi:
- memlekettik-jeke áriptestik máseleleri boıynsha usynymdardy zertteý jáne óńdeý;
-memlekettik-jeke áriptestik respýblıkalyq jobalarynyń tujyrymdamalaryna, onyń ishinde tıisti ózgerister jáne (nemese) tolyqtyrýlar engizý kezinde saraptama júrgizý;
- memlekettik-jeke áriptestik respýblıkalyq jobalarynyń konkýrstyq qujattamasyna, onyń ishinde tıisti ózgerister jáne (nemese) tolyqtyrýlar engizý kezinde saraptama júrgizý;
- memlekettik-jeke áriptestik respýblıkalyq jobalar boıynsha memlekettik-jeke áriptestik shartynyń jobasyna, onyń ishinde tıisti ózgerister jáne (nemese) tolyqtyrýlar engizý kezinde saraptama júrgizý;
- memlekettik-jeke áriptestik jobalaryn iske asyrýdy baǵalaý;
- memlekettik-jeke áriptestik salasynda mamandardy oqytý;