Mıýnhendegi atystan keıin 21 adam aýrýhanaǵa jetkizildi
ASTANA. QazAqparat - Mıýnhendegi atystan keıin 21 adam aýrýhanalarǵa jetkizildi, birneshe júzdegen adamǵa mamandar oqıǵa ornynda kómek kórsetýde, dep habarlady qalanyń qutqarý qyzmeti.
«Jedel járdem aýrýhanalarǵa 21 adamdy jetkizdi. Birneshe júzdegen adamǵa arnaıy jabdyqtalǵan pýnktterde mamandar tıisti kómek kórsetýde», - dep habarlady Mıýnhenniń órt sóndirý qyzmeti.
Jergilikti BAQ-tyń habarlaýynsha, zardap shekkender ártúrli dárejede jaraqattarymen jetkizilgen.
Budan buryn qala polıtsııasy qaza bolǵandar sany 10 adamǵa jetkenin habarlaǵan bolatyn, dep jazady RIA Novostı.
Eske sala keteıik, atys boldy. Sany belgisiz (keıbir derekterde olar úsheý bolýy múmkin) saýda ortalyǵy janynda jáne metro stansasynda adamdarǵa oq jaýdyryp, iz jasyrǵan. Qalada arnaıy operatsııa júrgizilýde.
QR-nyń Germanııadaǵy elshiligi qazaqstandyqtardan ázirge eshkim de kómek surap júginbegendigin atap ótti.
