Mıýnhendegi atqysh beınejazbaǵa túsip qaldy (VIDEO)
ASTANA. QazAqparat - Mıýnhendegi saýda ortalyǵyndaǵy atys kýágeri shabýyldaýshylardyń birin beınejazbaǵa túsirip aldy.
Beınejazbadan boıy 1 metr 90 santımetr bolatyn jas aqshyl er adam saýda ortalyǵynan shyǵyp, úreılengen adamdardy ata bastaǵan. Kýágerler «Olımpııa» saýda ortalyǵynda oq atqandar úsh adam ekenin habarlaıdy.
Mıýnhen polıtsııasy qaladaǵy atys saldarynan alty adamnyń qazaǵa ushyraǵanyn qýattady, dep habarlady RIA Novostı.
Onyń aıtýynsha, oq jaýdyrǵandar úsh adam bolǵan jáne qylmys ornynan iz jasyrǵan. «Olar áli de qalada júr degen oıdamyz», - dep onyń sózin keltirgen CNN telearnasy.
Ol bılik bolǵan oqıǵany «lańkestik akti» dep sanaıtynyn aıtty.
Eske sala keteıik, Mıýnhendegi «Olımpııa» saýda ortalyǵynda, Karlsplatts alańynda jáne metro stansasy janynda oq jaýdyrylǵan. Ártúrli málimetter boıynsha, úshten on beske deıin adam tótenshe oqıǵanyń qurbany bolǵan. Polıtsııa arnaıy operatsııa júrgizýde, qalada tótenshe jaǵdaı jarııalandy. Qylmyskerlerdiń turǵylyqty jeri jáne olardyń dál sany ázirge anyqtalǵan joq.
