Mıýnhendegi jol apatynan zardap shekkender sany anyqtaldy

ASTANA. KAZINFORM — Mıýnhende Mini Cooper ereýilge shyqqan jumysshylar tobyn qaǵyp ketti. Saldarynan kem degende 28 adam zardap shekti, dep habarlaıdy VVS.

— 20 adam jaraqat aldy, keıbiriniń jaǵdaıy aýyr, — dedi órt sóndirý qyzmetiniń ókili Bernhard Peshke.

Jergilikti aqparat quraldary Mini Cooper-diń ereýilge shyqqan jumysshylar tobyn qaqqanyn jáne oqıǵa ornyna jedel járdem kólikteriniń jetkenin habarlady.

Bavarııa premer-mınıstri Markýs Zeder Mıýnhendegi kólik oqıǵasy shabýyl bolýy múmkin ekenin aıtty.

Mıýnhen polıtsııa departamenti X áleýmettik jelisinde kólik júrgizýshisiniń ustalǵanyn habarlady. Ol 24 jastaǵy aýǵan azamaty ekeni anyqtaldy. Resmı tulǵalardyń aıtýynsha, kúdikti buǵan deıin urlyq jasap, esirtki qylmysyna qatysy bolǵan.

Onyń aıtýynsha, polıtsııa kóligi kásipodaq sherýiniń artynda kele jatqan.

— Polıtsııa kóliginiń artynda kele jatqan kólik kolonnaǵa jaqyndady. Sodan keıin oza túsip, jyldamdyǵyn arttyryp, narazylyq bildirýshiler kolonnasynyń artqy jaǵyna jetti. Polıtsııa shabýyldaýshyny ustady. Avtokólikke bir oq atyldy. Shabýyl jasaǵan adam qamaýǵa alyndy. Qazirgi ýaqytta kem degende 28 adam jaraqat alǵan, olardyń keıbiriniń jaǵdaıy aýyr, — dedi polıtsııa ókili.

Hýberdiń aıtýynsha, zardap shekkenderdiń naqty sany anyqtalyp jatyr. Kólik júrgizýshisi pana izdeýshi mártebesine ıe bolǵan.

Bayerischer Rundfunk-tiń aıtýynsha, zardap shekkender ereýilge qatysýshylar bolýy múmkin.

VVS oqıǵanyń Mıýnhen qaýipsizdik konferentsııasynyń ótýine bir kún qalǵanda bolǵanyn atap ótti.

Osyǵan deıin Mıýnhende kólik bir top jaıaý júrginshini qaǵyp ketkenin jazǵan edik.