Mıýnhende shabýyl jasaǵan kúdiktiniń aty-jóni belgili boldy
ASTANA. QazAqparat - Mıýnhende shabýyl jasap, 9 adamnyń ómirin qıǵan kúdiktiniń aty-jóni - Davıd S., dep habarlaıdy Spiegel.
Basylym aqparat kózin ashyq kórsetpegen jáne kúdikti jaıly jańa málimetter keltirmegen, dep jazdy RIA Novostı
Kúni keshe 18 jastaǵy Iran týmasy Mıýnhendegi «Olımpııa» iri saýda ortalyǵy mańynda qarýly shabýyl jasady. Shabýylshyny qosqanda, 10 adam qaza tapty.
Bild gazeti polıtsııanyń qala ortalyǵynda ornalasqan kúdiktiniń ata-anasymen birge turǵan páterine tintý júrgizgenin habarlady.
Páterdi qylmys ornyndaǵy beınematerıaldan shabýylshyny jazbaı tanyǵan tanysynyń aıtýymen tapqan. Basylym málimeti boıynsha, kúdiktiniń ákesin polıtsııa basqarmasyna ákeldi.
Kúdikti tanystarynyń biri, ıaǵnı onyń synyptasy kúdiktiniń «salmaqty jan» bolǵanyn aıtty.
