Mıýnhende «Oktoberfest» syra festıvali ótip jatyr
ASTANA. QazAqparat - Mıýnhende «Oktoberfest» syra festıvali ótip jatyr. Bul álemdegi halyqtyń eń kóp jınalatyn serýeni bolyp esepteledi.
Bıyl festıval 183 ret merekelenýde.
Bul shara Mıýnhen býrgomıstriniń syranyń alǵashqy bóshkesin arnaıy qol toqpaqpen eki ret urýy arqyly ashyldy. Ótken senbide, tús kezinde bastalǵan festıvaldegi qaýipsizdikti bıyl 600 polıtseı qamtamasyz etýde. Taǵy 450 kúzetshi halyqtyq serýen ótip jatqan aýmaqqa kiretin jerde kelýshilerdi tekserip jatyr.
Oktoberfest 3 qazanǵa deıin jalǵasady. Syra festıvaline jylyna 6 mıllıonǵa jýyq adam qatysady.
