Mıýnhende lańkestik áreket qaýpinen jabylǵan eki vokzal jumysyn bastady
ASTANA. QazAqparat - Mıýnhen qalasynda jańajyldyq túni lańkestik áreket qaýpinen jabylyp, adamdary qaýipsiz jerge kóshirilgen eki vokzal óz jumysyn bastady. Bul týraly Twitter-de qalalyq polıtsııadan habarlady, dep jazady RIA Novostı.
Buǵan deıin polıtsııanyń lańkestik shabýyldardyń tótenshe kúrdeli qaýpinen qalalyq bas vokzal men qalanyń batys bóligindegi Pazıng vokzalyn japqany týraly habarlanǵan bolatyn.
«Biz jaǵdaıdy baqylap otyrmyz», - delingen mıýnhendik quqyq qorǵaýshylardyń málimdemesinde.
Bılik shabýylǵa «Islam memleketi» lańkestik tobynyń daıyndalyp, ol úshin bes-jeti jankeshtini paıdalanýdy josparlaǵanynan kúdiktenip otyr.
