Mıýnhende Eýropa qazaqtarynyń kishi quryltaıy ótip jatyr

MıÝNHEN. QazAqparat - Mıýnhen qalasynda mádenı-gýmanıtarlyq jáne áleýmettik-ekonomıkalyq jobalar negizinde qazaq dıasporasynyń ókilderin biriktirý maqsatynda qazaqtardyń kishi quryltaıy ótip jatyr, dep habarlaıdy QazAqparat uıymdastyrýshylarǵa silteme jasap.

Jıynnyń negizgi taqyryby - Qazaqstan Respýblıkasynyń Tuńǵysh Prezıdenti - Elbasynyń «Uly dalanyń jeti qyry» maqalasynyń jáne «Rýhanı jańǵyrý» baǵdarlamasynyń erejeleri kontekstinde yntymaqtastyqty damytý.

Quryltaıdyń birinshi kúni Eýropa elderindegi (Shvetsııa, Germanııa, Frantsııa) qazaq qaýymdastyqtarynyń basshylarymen ótken kezdesýde aldaǵy mindetter men josparlar talqylandy. Kishi quryltaıdyń resmı ashylý sharasy aıasynda «Otandastar qory» KEAQ júzege asyryp jatqan «Mádenı-iskerlik úıi» Qazaq úıi» jobasy keńinen tanystyrylyp, Dúnıejúzi qazaqtary qaýymdastyǵy tararapynan daıyndalǵan beınebaıandar kórsetildi.

Quryltaıdyń spıkerleri - Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov, «Otandastar qorynyń» vıtse-prezıdenti Maǵaýııa Sarbasov, Evropadaǵy Qazaq qaýymdastyqtary jáne Shvetsııadaǵy Qazaq qaýymdastyǵynyń tóraǵasy Murat Ermısh.

Zaýytbek Qaýysbekuly atalmysh sharanyń qazaq ultynyń birligin nyǵaıtýdaǵy mańyzdy rólin atap ótti.



«Qandastarymyz Elbasynyń «Otandastar qoryn» qurý týraly usynysyna úmit artyp, qoldaý bildirdi. Mine, sonyń arqasynda biz búgin Dúnıejúzi qazaqtary qaýymdastyǵy men «Otandastar qory» KEAQ birlesken jumystarynyń nátıjesi jaıly aıta alamyz. Shet elderde turatyn qazaq dıasporalary ókilderiniń ótinishine baılanysty Ulttyq ortalyqtardy mýzyka aspaptarymen, qolóner buıymdarymen, ulttyq kıimmen qamtamasyz etý máselesine oraı, biz «Otandastar qorymen» birlese otyryp, «Dástúrli qorjyn» atty keń aýqymdaǵy jobany júzege asyrmaqpyz. Bunyń alǵashqy bastamasyn biz búgin alyp keldik, ol birqatar qazaq ulttyq birlestikterine taratylady. Shet elderdegi otandastarymyzdy qoldaý úshin QR Úkimeti janynan vedomstvoaralyq komıssııa qurylady. «Qazaq kartasyn» engizý týraly usynys qoldaýǵa ıe boldy. Búgingi kishi quryltaı ulttyq «Rýhanı jańǵyrý» baǵdarlamasyna ózindik úlesin qosady dep senemin», - dedi Zaýytbek Turysbekov.

Ulttyq biregeılikti saqtaýǵa, qazaq dıasporasyna qatysty memlekettik saıasatty qalyptastyrýǵa jáne shetelde turatyn etnıkalyq qazaqtardy shoǵyrlandyrýǵa járdemdesý maqsatynda «Otandastar qory» KEAQ pen Eýropadaǵy qazaq mádenı ortalyqtarymen ózara túsinistik jáne áriptestik týraly memorandýmdarǵa qol qoıyldy.

Sonymen qatar, quryltaı aıasynda Eýropadaǵy qazaq mádenı ortalyqtarynyń qyzmetterin uıymdastyrýdyń ózekti máseleleri talqylanyp, sheteldegi qazaqtarǵa arnalǵan bilim baǵdarmalary jáne «Otandastar qorynyń» mádenı-gýmanıtarlyq jobalarynyń tanystyrylymy ótti.

Quryltaıdyń kelesi kúnderi Qazaqstan Respýblıkasy joǵarǵy oqý oryndarynyń tanystyrylymy, jastarmen beıresmı kezdesý, bıznes-forým jáne dástúrli fýtbol týrnıri ótkiziledi.

Jalpy, kishi quryltaıǵa qazaq dıasporasynyń 100-den astam ókili, sondaı-aq, qazaqstandyq mádenıet qaıratkerleri, kásipkerler qatysty.