Mıýnhende Ekinshi dúnıejúzilik soǵys kezindegi áýe bombasy jaryldy
NUR-SULTAN. QazAqparat – Mıýnhendegi temirjol stantsııasynyń janynda jarylys boldy, dep habarlaıdy QazAqparat Euronews-ke silteme jasap.
Ekinshi dúnıejúzilik soǵys kezindegi avıatsııalyq bomba Mıýnhendegi Donnersbergerbrıýke temirjol stantsııasynyń janyndaǵy Deutsche Bahn kontserniniń qurylys alańynda jaryldy.
Jarylys saldarynan kem degende tórt adam zardap shekti. Oqıǵa ornyna kóptegen órt sóndirý mashınasy, eki tikushaq jáne ondaǵan apattyq-qutqarý qyzmetkerleri bardy. Jaralanǵandardyń biri aýyr jaraqat alǵan.
