Mıýnhende bosqyndar qonysynyń aınalasyna 4 metrlik qorshaý turǵyzyldy
ASTANA. QazAqparat - Mıýnhen turǵyndarynyń talaby boıynsha bosqyndar qonysynyń aınalasyna bıiktigi tórt metrlik qorshaý turǵyzyldy. Bul - Noıperlah aýdanyndaǵy uzaq ýaqytqa sozylǵan qarsylyq sherýiniń nátıjesi, dep habarlaıdy DW.
Kelisimde kórsetilgendeı qorshaýǵa adamdar órmeleı almaıdy jáne ol dop soǵyp oınaýǵa jaramsyz. Oǵan taıaý turǵan úıler 25 metr qashyqtyqta ornalasqan jáne qonyspen arany jol bólip tur.
Noıperlahtaǵy qonys 160 jas bosqynǵa arnalǵan. Onyń ishinde Germanııaǵa jalǵyz kelgen jasóspirimder de bar.
Jergilikti saıasatker Gıdo Býholts bul sheshim qonaqjaılyq mádenıetine qaıshy, bosqyndardyń ıntegratsııasyna kedergi keltiredi dep sanaıdy. Berlın qabyrǵasynyń ózi osy qorshaýdan 40 santımetr alasa bolypty.
