Mıýnhende atys uıymdastyrǵan jigit qylmysty bir jyl boıy josparlaǵan
ASTANA. QazAqparat - Mıýnhende atys uıymdastyrǵan jigittiń úıin tintý barysynda tergeýshiler onyń bul qylmysqa uzaq daıyndalǵanyn aıǵaqtaıtyn dálelder tapty. Polıtsııa málimeti boıynsha, qylmysker daıyndyqty bir jyl buryn bastaǵan, dep jazady RBK.
Sondaı-aq tergeýshiler qylmyskerdiń qarýdy ınternet arqyly zańsyz alǵanyn anyqtady.
Osyǵan deıin prokýratýra ókili Tomas Shtaınkraýs-Koh qylmyskerdiń psıhıkalyq aqaýy bar bolýy múmkin dep málimdegen bolatyn. Onyń aıtýynsha, jigit depressııaǵa baılanysty dárigerdiń kómegine júgingen. Sonymen birge polıtsııa 18 jastaǵy Germanııa azamatynyń toǵyz oqpandy Glock tapanshasyn paıdalǵanǵanyn, onyń sómkesinen 300 patron tabylǵanyn habarlady. Shabýyldaýshy jigit mektepte oqyǵan, onyń bólmesin tintý kezinde jalǵyz adamnyń qarýly shabýyl jasaýy týraly aqparattar berilgen túrli gazetter men jýrnaldar tabylǵan.
Sonymen birge resmı organ qylmyskerdiń Islam memleketi lańkestik uıymyna qatysy bar ekendigin aıǵaqtaıtyn esh dálel tappaǵanyn aıtty.
Eske sala keteıik, 22 shilde kúni keshki ýaqytta Mıýnhendegi «Olımpııa» saýda úıi mańynda belgisiz bireý oq jaýdyryp, 10 adam qaza tapty. Onyń ishinde atysty uıymdastyrǵan jigit te bar. Belgili bolǵandaı, onyń esimi Davıd Sonbolı, ıran týmasy, jasy 18-de.
