Mıýnhen polıtsııasy: qaza tapqandar arasynda týrıster joq
ASTANA. QazAqparat - Mıýnhendegi saýda úıinde bolǵan shabýyl qurbandary arasynda sheteldik týrıster joq. Qaza tapqandardyń barlyǵy derlik qala turǵyndary jáne kópshiligi jastar. Bul jóninde senbi kúni baspasóz konferentsııasynda Hýbertýs Andre málimdedi, dep habarlady RIA Novostı.
«Bizdiń málimet boıynsha, barlyq qurban Mıýnhen men onyń tóńiregindegi mekenderdiń turǵyndary, ıaǵnı eshqandaı sheteldik jáne týrıster joq», - dedi ol jýrnalısterge.
Polıtsııa basshysy mert bolǵandardyń bireýi - 45 jasta, ekeýi - 15 jasta, úsheýi - 14 jasta jáne qalǵany 17,19,20 jasta bolǵanyn aıtty. Shabýyl jasaýshynyń ózi 18 jasta bolǵan.
Juma kúni keshki ýaqytta Mıýnhenniń iri saýda ortalyǵy mańyndaǵy shabýyldan jankeshtini qosqanda, on adam qaza tapty. Taǵy 27 adam jaralandy, onyń ishinde 10 adam aýyr halde jatyr, arasynda 13 jastaǵy jasósiprim bar.
