Mıýnhen polıtsııasy atys uıymdastyrǵan jigittiń dosyn qolǵa túsirdi
ASTANA. QazAqparat - Mıýnhen polıtsııasy atys uıymdastyrǵan jigittiń dosyn qolǵa túsirdi. Polıtsııanyń málimetine qaraǵanda, ol atys uıymdastyrýshynyń josparyn aldyn ala bilgen, alaıda ony polıtsııaǵa habarlamaǵan, dep jazady TASS.
Eske sala keteıik, 22 shilde kúni keshki ýaqytta Mıýnhendegi «Olımpııa» saýda úıi mańynda belgisiz bireý oq jaýdyryp, 10 adam qaza tapty. Onyń ishinde atysty uıymdastyrǵan jigit te bar. Belgili bolǵandaı, onyń esimi Davıd Sonbolı, ıran týmasy, jasy 18-de. Polıtsııa málimetine qaraǵanda, ol osy shabýyldy uıymdastyrýǵa bir jyl boıy daıyndalǵan.
