Mıýnhen Germanııanyń jazǵy Olımpıada oıyndaryn ótkizýge úmitkeri atandy
ASTANA. KAZINFORM — Mıýnhen Germanııa atynan 2036, 2040 nemese 2044 jylǵy jazǵy Olımpıada jáne Paralımpıada oıyndaryn ótkizý quqyǵy úshin kúresetin bolady, dep habarlaıdy BILD.
Bul sheshim 26 qyrkúıekte Baden-Badende ótken Germanııa Olımpıadalyq sport konfederatsııasynyń (DOSB) kezekten tys otyrysynda qabyldandy.
Daýys berý barysynda Mıýnhen Keln — Reın — Rýr óńirinen basym tústi. Bavarııa astanasynyń kandıdatýrasyn 91 delegat qoldasa, qarsylasyna 50 delegat daýys berdi.
Endi Mıýnhen halyqaralyq irikteý kezeńinde Germanııanyń atynan úmitker retinde qatysyp, 2036, 2040 nemese 2044 jylǵy Olımpıada jáne Paralımpıada oıyndaryn ótkizýge talasady. DOSB buǵan deıin tańdalǵan ótinimniń Halyqaralyq Olımpıada komıtetine usynylýy tıis ekenin habarlaǵan.
Mıýnhen buǵan deıin 1972 jyly jazǵy Olımpıada oıyndaryn qabyldaǵan.
Buǵan deıin Berlınniń 2036 jylǵy Olımpıada oıyndaryn ótkizýge bergen ótinimin qaıtaryp alýdy josparlap otyrǵany habarlanǵan.
