Lufthansa áýe kompanııasynyń ushaǵy Almatyǵa shuǵyl qonýǵa májbúr boldy

ALMATY. KAZINFORM – Lufthansa áýe kompanııasynyń Mıýnhen – Beıjiń baǵytyndaǵy LH 0722 reısi Almaty áýejaıyna shuǵyl túrde qondy. 

Qazaqstannyń avıatsııalyq ákimshiliginiń málimetinshe, ushaqta jolaýshynyń jaǵdaıy kenetten nasharlap, ol esinen tanyp qalǵan. Áýe kemesiniń ekıpajy Almaty halyqaralyq áýejaıyna shuǵyl qoný týraly sheshim qabyldaǵan.

– Ushaqqa jedel túrde áýejaıdyń medıtsınalyq qyzmeti men qalalyq jedel medıtsınalyq járdem brıgadasy jiberildi. Medıtsına qyzmetkerleri kelgen kezde jolaýshynyń ushý barysynda kóz jumǵany anyqtaldy. Almaty áýejaıynda janarmaı quıylǵannan keıin áýe kemesi saǵat 07:56-da ózi baǵytyna ushyp shyqty, - delingen habarlamada.

Kóliktegi polıtsııa departamenti atalǵan derekke qatysty qylmystyq is qozǵalǵanyn habarlady.


– Ólimniń aldyn ala sebebi – jedel júrek jetkiliksizdigi. Kenetten qaıtys bolǵan jolaýshy – shetel azamaty. Qazirgi ýaqytta tergeý amaldary júrgizilip jatyr, - dep habarlady departamentten.

Eske salaıyq, Aqtaý mańynda apatqa ushyraǵan ázerbaıjandyq ushaqqa qatysty aralyq habarlama jarııalandy.