Mysyrlyqtar búgin jańa prezıdentteriniń esimin biletin bolady
ASTANA. 24 maýsym. QazAqparat - Búgin Egıpette Prezıdenttik saılaýdyń ekinshi týrynyń qorytyndysy shyǵarylady.
Joǵary saılaý komıssııasynyń basshysy Farýk Sultan jańa prezıdenttiń esimin jarııa etedi dep kútilýde. Bul aqparatty ITAR-TASS agenttigi jarııa etip otyr.
Onyń baspasóz konferentsııasy jergilikti ýaqyt boıynsha 15:00-ge josparlanǵan. 16-17 maýsym kúnderi ótken daýys berýden keıin-aq baqtalas kandıdattar - ıslamshyl Mýhammed Mýrsı men eks-premer Ahmed Shafıktiń saılaýaldy shtabtary daýys sanaý sharalaryna birden kirisken edi.
Degenmen qazirgi sátterde qala kóshelerinde kandıdattardy qoldaýǵa baǵyttalǵan jıyndar ótip jatyr. Máselen, Kaırdiń Tahrır alańynda «Musylman baýyrlar» jaqtastary sherý ótkizip, saılaý qorytyndysyn shuǵyl arada jarııalaýdy talap etýde. Al Nasr-sıtı alańynda keshe Shafıktiń myńdaǵan jaqtastary jınalǵan bolatyn.
