Mysyrlyq polıtsııa qyzmetkerlerine saqal jiberýge ruqsat berildi
ASTANA. 22 aqpan. QazAqparat - Sársenbiniń sátti kúni mysyrlyq sot birneshe ondaǵan jyldarǵa sozylǵan tyıymnyń kúshin joıyp, osyndaı sheshim qabyldady, dep habarlaıdy muslim.kz saıty.
«World Bulletin-niń» málimdeýinshe, aqpan aıynda ondaǵan polıtsııa shendileri Hosnı Múbárak tusynda qabyldanǵan osy tyıymǵa qulaq aspaǵany úshin qyzmetterinen shettetilgen bolatyn.
Jumystan qýylǵanyna narazy burynǵy polıtsııa shendileri ishki ister mınıstrliginiń ǵımaraty aldynda qarsylyq sharasyn ótkizip, ózi de saqal jiberip, murt qoıǵan el prezıdenti Muhammed Mýrsıden ózderin qyzmetke alýdy talap etti.
Kaırdiń ákimshilik soty ІІM-niń jazylmaǵan erejeni buzǵan polıtsııa qyzmetkerlerin shettetý týraly ótinishin qanaǵattandyrmaı tastady. Sot polıtsııa shendileriniń saqal jiberýge quqyǵy baryn aıtyp, qaýly shyǵardy.
Hosnı Múbárak bılik basynda bolǵanda saqaldy alyp tastaý ıslam kúshterimen kúrestiń bir sharasy retinde qarastyrǵan bolatyn. Onyń tusynda saqal jibergender memlekettik qyzmette joǵary laýazymǵa úmittene almaıtyn.
