Mysyrlyq Astanada taksıge qaldyryp ketken sómkesin taýyp aldy
ASTANA. QazAqparat - Uzaq sapardan sharshaǵan mysyrlyq otbasy juby Astana taxi kóliginde sómkesin qaldyryp ketken bolatyn. Sómke kompanııanyń tańerteń keńsesine jetkizilip, óz qojaıyndaryna qaıtaryldy dep habarlaıdy elorda ákimdiginiń resmı saıty.
Astana taxi kólikte qaldyrylǵan ár zatty óz ıesine qaıtarý qaǵıdasyn ustanady.
Kompanııa zat kólikte qaldyrylǵan jaǵdaıdaǵy áreket etýdiń algorıtmin usynady.
«Eger jolaýshy óz zatynyń joǵalǵanyn sapardan keıin birden baıqasa, sol arada tapsyrys berilgen taksıge qońyraý shalyp, operatormen sóılesýi kerek. Operator óz kezeginde jolaýshyny kólik júrgizýshisimen baılanystyratyn bolady.
Jolaýshy óz zatynyń joǵalǵanyn sapardan biraz ýaqyt ótken soń baıqasa, 15800 nómiri boıynsha kompanııanyń keńsesine habarlasýy qajet. Jolaýshy menedjerge tapsyrys berilgen kúndi, mashınanyń nómiri men tapsyrystyń qandaı telefonnan berilgendigin ataýy tıis», - dep jazylǵan habarlamada.
Astana taxi júrgizýshilerge ár sapardan keıin kólik salonyn qarap, jolaýshylardyń esine óz zattaryn tekserýi kerektigi týraly salýǵa keńes beredi. Bul qaldyrylǵan zattardy keńsege aparý qajettiginen bosatyp, ýaqyt únemdeledi. Jolaýshylardyń da uqypty bolǵany abzal.
