Mysyrlyq analardyń ózge elderge qaraǵanda balany kóbirek emizetini anyqtaldy
ALMATY. 17 sáýir. QazAqparat - Philips kompanııasy álemniń 7 elinde júrgizgen «Ana men bala densaýlyǵynyń ındeksi» dep atalatyn zertteýdiń qorytyndysyn jarııalady.
Ol AQSh, Ońtústik Amerıka, Brazılııa, Ulybrıtanııa, Egıpet, Qytaı jáne Úndistanda júrgizilgen kórinedi. 3944 ana qatysqan bul zertteýde áıelderdiń nárestelerin emshekpen emizý máselesine aıryqsha mán berilgen. Dúnıejúzilik densaýlyq saqtaý uıymy náresteni týylǵan sátinen bastap kem degende jarty jyl boıy emshekpen emizýdi usynýda. Sondyqtan saýalnama kezinde túrli elderdegi analardyń óz balalaryn emshekpen emizý ýaqyty jáne ana men bala kóńil-kúıine áser etetin ózge de jáıttardy anyqtap, bul máselelerdi sheshýdiń utymdy joldaryn izdeý maqsatynda ótkizilgen.
Kompanııanyń baspasóz qyzmeti taratqan habarlamaǵa qaraǵanda, zertteý barysynda 10 áıeldiń ishinde 9-y óz balasyn emshekpen emizýdi qalaıtyny anyqtaldy. Alaıda túrli sebepterge baılanysty olardyń úshten biri jarty jyl aralyǵynda balalaryn emshekpen emizýdi toqtatatyn kórinedi. 61 paıyzy shamamen bir jyl boıy balany emizetin bolsa, 19 paıyzy usynylǵan merzimnen óte az, al 12 paıyzy emshekpen múldem emizbeıdi eken. Saýalnama júrgizilgen elder arasynda balasyn emshekpen eń uzaq ýaqyt emizetin el mysyrlyq áıelder bolyp shyqty. Olardyń 42 paıyzy balalaryn bir jarym jyldan astam ýaqyt emizedi eken. Ulybrıtanııada, kerisinshe áıelderdiń úshten biri (34%) múldem emizbeıtin bolsa, tórtten biri ǵana 3 aıǵa jeter-jetpes ýaqyt emizetini belgili boldy.
Áıelderdiń 40 paıyzy emshekpen emizýdi toqtatýdyń negizgi sebebi retinde súttiń bolmaýy dep kórsetken. Osy jaıt tek úsh aı ǵana emizgen jáne bir jyl tolǵannan keıin emizýden bas tartýǵa májbúr bolǵan analar úshin eleýli sebep bolyp tabylǵan.
TMD elderinde mundaı zertteý júrgizilmegenimen, mamandardyń aıtýynsha bul másele Qazaqstanda da kókeıkesti bolyp tabylady. QR Pedıatrııa jáne balalar hırýrgııasy Ǵylymı ortalyǵynyń Aqaýmen týylǵan náresteler bóliminiń meńgerýshisi Dılıara Kachýrınanyń sózine qaraǵanda, «Qazaqstanda emshekpen emizýdiń negizgi qıyndyǵy bala kóterýge qabiletti áıelderdiń densaýlyq ındeksiniń tómen deńgeıimen baılanysty.
