Mysyrǵa bet alǵan A321 laıneri lańkestik qaýpi saldarynan shuǵyl Býdapeshtke qondy

Polıtsııanyń baspasóz qyzmeti áýe kompanııasynyń ataýy men ushaq modelin atamady. Keı derekterge qaraǵanda, bul Condor áýe kompanııasynyń A321 laıneri.

Reıter Vengrııa polıtsııasynyń baspasóz qyzmetkerine silteme jasap polıtseıler ushaqty tintip jatqanyn habarlady. Aldyn ala málimetterge qaraǵanda, onyń bortynda 130 jolaýshy men 7 ekıpaj múshesi bolǵan.

Qazannyń aıaǵynda Sınaı túbeginde reseılik "Kogalymavıa" kompanııasynyń A321 avıalaıneri apatqa ushyrady. Onyń bortynda bolǵan 224 adamnyń barlyǵy qaza tapty.

Reseılik bılik muny lańkestik dep atady. Jaýapkershilikti «Islam memleketi» toby moınyna aldy.

Osydan keıin Reseı Mysyrǵa ushaq ushyrýdy ýaqytsha toqtatty. Sondaı-aq birneshe eýropalyq memleket te bul baǵytqa ushýdy ýaqytsha toqtatty.