Mysyrǵa barý vızasy 2,5 esege qymbattaıdy
ASTANA. QazAqparat - 1 naýryzdan bastap, Mysyrǵa barý vızalarynyń quny shamamen 2,5 esege kóteriledi. Bul týraly Mysyr SІM habarlady. Endi onyń quny 60 dollar. Buǵan deıin 25 dollar bolǵan edi, dep jazdy aif.ru .
Vızalar qunynyń qymbattaý jóninde áýejaılar, teńiz porttary jáne jerústi shekaralyq asýlar sekildi Mysyrdyń barlyq shekaralyq beketterine habarlandy.
Sońǵy ret Mysyr vızalarynyń quny 2014 jyly ózgertildi. Onda 15 dollardan 25 dollarǵa qymbattaǵan edi.
