Mysyrdyń jańa prezıdenti Kaırde ant qabyldady
ASTANA. QazAqparat - Mysyr astanasynda jańa prezıdentti ulyqtaý rásimi ótti, dep habarlaıdy Bı-Bı-Sı.
Eldiń jańa basshysy Abdel Fattah Sısı Kaırdegi Joǵarǵy Konstıtýtsııalyq sot ǵımaratynda ant qabyldaǵan.
Aıta keteıik, ótken aıda 59 jastaǵy Sısı saılaýda 97 paıyzǵa jýyq daýys jınap, jeńiske jetken bolatyn.
Ol úsh jyl ishindegi beı-bereketsizdik pen saıası kıkiljińder saldarynan zardap shekken memleket ekonomıkasyn qalpyna keltirýge negizgi basymdyq bermek. Sebebi, dál osy jaǵdaılar Mysyrǵa keletin týrıster sanyn azaıtyp, el ekonomıkasyna túsetin ınvestıtsııalardyń jolyn kesken edi.
Esterińizge sala keteıik, jýyrda QR Prezıdenti Nursultan Nazarbaev Abdel Fattah as-Sısıge Egıpet Arab Respýblıkasynyń Prezıdenti laýazymyna saılanýyna baılanysty quttyqtaý jedelhatyn joldaǵan bolatyn.
