Mysyrdyń soltústik-shyǵysynda qar jaýdy
KAIR. TASS-QazAqparat – Mysyrdyń soltústik-shyǵysyndaǵy Sharkııa provıntsııasynyń birneshe aýdanynda qar jaýdy. Bul jaıynda Ad Dustour jergilikti gazetine silteme jasap TASS habarlady.
Onyń málimetinshe, birneshe ýaqyt buryn Sharkııadaǵy eldi mekenderdegi joldar men shatyrlarǵa juqa qar túsken.
Gazet turǵyndardyń sýretterin jarııalady. Onda búkil kósheler men alańdarda qar jatyr, al tasjoldarǵa muz qatqan.
Kaır bıligi tolassyz jaýǵan jańbyrdan keıin jol jáne kommýnaldyq qyzmetterde tótenshe jaǵdaı rejımin engizdi.
Gýbernator Haled Abdel Alıanyń buıryǵymen TJK júıesiniń barlyq qyzmetkerleri táýlik boıy jumys istep jatyr, apattyq brıgada kezekshilikke shyqty.
Kaırdyń kóptegen kóshesinde sýdyń jınalýynan tonnelder ýaqytsha jabyldy, Nil ózenindegi kópirde qozǵalys shekteldi.
Bul shara Egıpettiń ortalyq jáne soltústik bóliginde aýa temperatýrasynyń birden tómendeýinen qabyldandy. Temperatýra túngi ýaqytta 10 gradýsqa tómendep jatyr.
Kaırdegi jáne provıntsııalardaǵy kóptegen turǵyn úıde ortalyq jylý júıesi bolmaǵandyqtan jaǵdaı qıyndap otyr.
Sınoptıkterdiń boljaýynsha, elde taǵy birneshe kún aýa raıy sýyq bolady jáne jańbyr jaýady.
Foto: azertag.az