Mysyrdyń soltústigindegi jıhaz fabrıkasynan órt shyǵyp, 12 adam ajal qushty
ASTANA. QazAqparat - Mysyrdyń soltústigindegi jıhaz fabrıkasy órtenip, 12 adam qaza tapty. Aldyn ala baǵalaý boıynsha jalyn turmystyq gazdyń jarylýy saldarynan tutanǵan.
Mysyrdyń Kalıýbııa provıntsııasynda oryn alǵan órt kezinde 12 adam ajal qushty, dep málim etti provıntsııa qaýipsizdik qyzmetiniń ókili. «Kásiporynnyń 12 jumyskeri qaza taýyp, 9-y jaraqattandy», dep naqtylady ol.
Polıtsııa derekterine súıensek, órt sóndirýshiler kelgenge deıin tilsiz jaý 1,4 myń sharshy metrdi sharpyp úlgergen. Aldyn ala baǵalaý boıynsha órt turmystyq gazdyń jarylýynan shyqqan.
