Mysyrdyń saılaý komıssııasy prezıdenttikke úmitkerlerdiń túpkilikti tizimin jarııalady
ASTANA. 29 sáýir. QazAqparat - Mysyrdyń prezıdent saılaýy jónindegi joǵarǵy komıssııasy prezıdenttik saılaýǵa qatysatyn úmitkerlerdiń túpkilikti tizimin jarııalady, dep habarlady Kaırde ótken baspasóz máslıhatynda komıssııa basshysy Farýk Sultan.
ITAR-TASS agenttiginiń atap ótýinshe, prezıdenttik saılaýdyń alǵashqy kezeńi 23 jáne 24 mamyr kúnderi ótedi.
Tizimge 13 úmitkerdiń aty-jóni engizilgen, olardyń qatarynda jaqynda úmitker quqyǵyn qalpyna keltirgen eks-premer Ahmed Shafık, «Musylman baýyrlar» qozǵalysynan úmitker Muhammed Mýrsı jáne Arab memleketteri lıgasynyń burynǵy bas hatshysy Amra Mýsý bar.
Mysyrdyń konstıtýtsııalyq deklaratsııasyna sáıkes saılaý komıssııasy jarııalaǵan tizim túpkilikti jáne sotta shaǵymdanýǵa jatpaıdy.
Úmitkerler saılaýǵa qatysýdan 8 mamyrǵa deıin bas tartýǵa quqyly. Odan keıin olar daýys berýge qatysýǵa mindetti.
