Mysyrdyń ońtústiginde apat bolyp, 15 adam qaza tapty
KAIR. QazAqparat – Kaır qalasynan ońtústikke qaraı shamamen 55 shaqyrym jerde shaǵyn avtobýs pen pıkaptyń soqtyǵysýy saldarynan 15 adam qaza taýyp, eki adam jaraqat aldy. Qatty jyldamdyqpen kele jatqan shaǵyn avtobýs jol shetine qoıylǵan pıkapqa soǵyldy, dep habarlaıdy QazAqparat AR News-ke silteme jasap.
«Apattan tiri qalǵan pıkap júrgizýshisi jaýap alý úshin ustaldy» delingen Mysyr ishki ister mınıstrliginiń habarlamasynda. Oqıǵanyń sebepteri men mán-jaıyn tergeý amaldary bastaldy.
Mysyrda adam ólimine ákeletin jol-kólik oqıǵalary jıi bolady. Jazataıym oqıǵalarǵa kóbine jol jaǵdaıynyń nashar bolýy, jol qozǵalysy erejeleriniń saqtalmaýy sebep. Jyl saıyn myńdaǵan adam kóz jumady.
Máselen, mamyrda Mysyrdyń ońtústik-batysynda kúre jolda jolaýshylar avtobýsy men júk kóligi soqtyǵysyp, saldarynan 17 adam qaza tapty. Aqpanda eldiń shyǵysynda pıkap pen shaǵyn avtobýstyń soqtyǵysýy saldarynan 6 adam kóz jumǵan.
