Mysyrdyń medıtsınalyq mekemelerine ushaq apatynda mert bolǵan 163 adamnyń múrdesi jetkizildi
ASTANA. QazAqparat - Qazirgi ýaqytta Mysyrdyń medıtsınalyq mekemelerine Sınaı túbegindegi A321 reseılik ushaq apatynyń saldarynan opat bolǵan 163 adamnyń denesi jetkizilgen. Áýe kemesiniń bortynda bolǵandardyń súıekteri tórt aýrýhananyń máıithanalaryna aparyldy, dep jazady TASS.
Qazirgi ýaqytta Kaırde qaza tapqandardyń denelerin Reseıge jiberýge daıyndyq jumystary júrgizilip jatyr. Olar túnde Mysyrǵa reseılik qutqarýshylardyń tobyn jetkizgen eki Il-76 ushaǵymen jetkizilmek.
Eske salaıyq, Sharm-ál-Sheıhtan Sankt-Peterborǵa ushqan «Kogalymavıa» áýe kompanııasynyń Airbus A321 áýe kemesi senbi kúni Mysyrda apatqa ushyrady. Onyń bortynda bolǵan 224 adam qaza tapty. Arasynda 17 bala men 200 eresek adam bolǵan jolaýshylar Mysyrdaǵy demalystan oralyp kele jatqan Brisco týroperatorynyń týrısteri bolǵan.
