Mysyrdyń qorǵanys mınıstri prezıdenttik saılaýǵa túspek
ASTANA. QazAqparat - Egıpettiń qorǵanys mınıstri prezıdenttikke túsý nıetin jarııalady.
Osylaısha Abdel Fattah as-Sısı jaqyn aılarda ótetin saılaýda baǵyn synaýǵa bel baılap otyr. Budan buryn qorǵanys mınıstriniń kandıdatýrasyn Egıpet qarýly kúshteriniń Joǵary keńesi usynǵan edi. As-Sısı 30 maýsymda prezıdent Mýhammed Mýrsıge qarsy jappaı narazylyq kezinde armııanyń halyqty qoldaýyna oraı jurtshylyqqa keńinen tanymal bolǵan edi, dep habarlaıdy RSN agenttigi.
