Mysyrdyń Hýrgada qalasynda sý astyndaǵy murajaı ashylady
ASTANA. QazAqparat - Qyzyl teńiz provıntsııasynyń gýbernatory general-maıor Amr Hanafı sý astynan alǵashqy murajaı ashý jospary týraly jarııalady, dep habarlaıdy QazAqparat ÁZERTADJ aqparat agenttigine silteme jasap.
Murajaı týrısterge Hýrgadadaǵy úsh balama súńgýir jáne sý astynda júzý oryndaryn usynady jáne qorshaǵan orta jáne Qyzyl teńiz qoryqtary mınıstrligimen yntymaqtastyqqa daıyndalyp jatyr.
Ondaǵy maqsat ekeý - týrısterdiń qaýipsizdigin qamtamasyz etip, kóńilin kóterý jáne Qyzyl teńizdiń tabıǵı marjan rıfterin saqtaý.
«Qyzyl teńiz provıntsııasy jaǵalaýyndaǵy murajaı tabıǵı marjan rıfterine júktemeni azaıtýǵa jáne jańa marjan rıfterin qurýǵa, sondaı-aq tarıhtyń súıkimdiligi men tabıǵat sulýlyǵyn biriktiretin umytylmas áser qaldyrýǵa arnalǵan», - deıdi kýrorttyq provıntsııa basshysy.
Týrısterdi qyzyqtyratyn jańa kórikti jerler - arnaıy sý basqan kólikter.
Mysyr sheneýnikteri ýáde etkendeı, murajaıdan týrıster «jasyryn qazynalar men teńiz janýarlaryn taba alady».
Teńiz túbine úsh jerde— Shaab-es-Sakala, Ýrýk-et-Tavıl jáne Magavıshtegi Arg-Djamada 15 tehnıka sýǵa batyrylady.
Bul Hýrgadada jańa daıvıng oryndaryn ashýǵa múmkindik beredi.
Murajaı kelesi beısenbide ashylady dep josparlanyp otyr.
