Mysyrdyń eks-prezıdenti Hosnı Múbarak ómirden ozdy
KAIR. QazAqparat – Mysyrdyń burynǵy prezıdenti Hosnı Múbarak Kaırde 91 jasynda qaıtys boldy, dep habarlaıdy QazAqparat egıpettik MENA agenttigine silteme jasap.
Sońǵy kúnderi Múbarak asqazan-ishek jolyna ota jasatyp, Kaırdegi emhanalardyń birinde jatqan bolatyn.
Eks-prezıdent Hosnı Múbarak 1981 jyldan bastap 2011 jylǵa deıin laýazymdy qyzmetterdi atqardy. 2011 jyldyń aqpanynda qarsylyq sharalary kóbeıgendikten Múbarak qyzmetinen ketýge májbúr boldy. Oǵan qarsy birneshe qylmystyq is qozǵaldy. Sodan keıin qamaýǵa alyndy.
Birneshe jyldan keıin Múbarakty joǵary sot aqtap, 2017 jyly túrmeden shyǵaryldy. Bosatylǵannan keıin burynǵy prezıdent oqshaý ómir súrdi, BAQ-men aralasqan joq.
