Mysyrdyń burynǵy prezıdenti Mýrsı 20 jylǵa sottaldy
ASTANA. QazAqparat - Mysyr soty eldiń eks-prezıdenti Mýhammed Mýrsıdi jáne «Musylman baýyrlar» qozǵalysynyń 12 lıderin 20 jylǵa bas bostandyǵynan aıyrdy. Sonymen qatar Mýrsıde, onyń jaqtastarynda da shartty túrde merziminen buryn bosatylý quqyǵy joq ekeni atalyp ótildi, dep habarlady lenta.ru Reuters agenttigine silteme jasap.
Burynǵy memleket basshysy men «Musylman baýyrlar» qozǵalysynyń lıderlerine 2012 jyldyń jeltoqsanynda prezıdent rezıdentsııasy mańyndaǵy sherý uıymdastyrýshylardyń altaýyn óltirdi degen aıyp taǵylǵan.
Sot sheshimine shaǵymdanýǵa bolady.
Osyǵan deıin Mysyrdyń eks-prezıdenti men jaqtastaryn ólim jazasyna kesýi múmkin dep habarlanǵan bolatyn.
