Mysyrdyń Aleksandrııa kitaphanasynda qazaq jerinen shyqqan, ıslam órkenıetine úles qosqan ǵalymdar týraly aıtyldy

ASTANA. QazAqparat - 3-4 sáýir aralyǵynda Mysyrdyń áıgili Aleksandrııa kitaphanasynda Asıýt ýnıversıteti men osy kitaphananyń birlesip uıymdastyrýymen «Máýrenahr elderiniń ıslam órkenıetin damytýdaǵy róli» taqyrybynda halyqaralyq konferentsııa ótti.

QR SІM baspasóz qyzmetiniń habarlaýynsha, is-sharaǵa Mysyr jáne basqa elderge tanymal Islam jáne Ortalyq Azııa elderiniń tarıhyn zertteýshi ǵalymdar, akademııalyq qaıratkerler, sondaı-aq Kaır qalasynda akkredıttelgen Qazaqstan, Ózbekstan jáne Tájikstannyń dıplomatııalyq mıssııalarynyń basshylary men ókilderi qatysty.

Qatysýshylar Máýrenahr elderinen shyqqan ataqty adamdardyń ómiri men ǵylymı shyǵarmashylyǵyna arnalǵan zertteýleri men baıandamalarynda ortaǵasyrlyq Orta Azııa ǵalymdary eńbekteriniń ıslam órkenıetin baıytýǵa, arab tili men ádebıetin, fılosofııa, teologııa jáne jaratylys taný ǵylymdarynyń damýyna jáne beıbitsúıgish ıslam dinin tarata otyryp, adamzattyń ortaq qundylyqtardyń saqtalýy men artýyna qosqan úlesterin jan-jaqty ashyp kórsetti.

Óz baıandamasynda Qazaqstannyń Mysyrdaǵy Elshisi Berik Aryn qazirgi Qazaqstan jerinen shyqqan, ıslam órkenıetine baǵa jetpes úles qosqan Ábý Nasyr Ál-Farabı, Ábý Ibrahım Ysqaq Ál-Farabı, Ábý Nasyr Ál-Jaýharı, Hýsam Ad-Dın Syǵanaqı, Ahmed ıAsaýı jáne basqa da ataqty ǵalymdardyń ómiri men shyǵarmashylyǵy jaıyna toqtaldy. Ol qatysýshylarǵa osy ǵalymdardyń esimderin máńgi este qaldyrý, eńbekterin  zerttep, jaryqqa shyǵarý baǵytynda Qazaqstan Úkimeti jasap jatqan sharalar jaıynan tolyq maǵlumat berdi.

Osy oraıda qazaqstandyq dıplomat 2004 - 2011 jyldar aralyǵyndaǵy kezeńde Qazaqstan Prezıdenti Nýrsýltan Nazarbaevtyń bastamasymen iske asyrylǵan, álem kitaphanalarynan qazaq halqynyń tarıhy, etnografııasy men óneri týraly myńdaǵan qundy muraǵattardy tabýǵa múmkindik bergen  «Mádenı mura» memlekettik baǵdarlamanyń nátıjeleri týraly málimdedi.

Konferentsııa barysynda Elshi Aleksandrııa kitaphanasy men Asıýt Ýnıversıteti kitaphanasynyń qoryna Qazaqstannyń tarıhy men búgingi damýy týraly arab jáne aǵylshyn tilderinde jaryq kórgen kitaptardy, solardyń qatarynda Elbasynyń Qazaqstannyń táýelsiz memleket retinde qalyptasýyna arnalǵan eńbekteriniń jınaǵyn, sondaı-aq qazaq aqyn-jazýshylarynyń ádebı shyǵarmalaryn, atap aıtqanda, Abaı Qunanbaevtyń, Іlııas Esenberlınniń, Nemat Kelimbetovtyń týyndylaryn syıǵa berdi.