Mysyrdy Beıbarysqa deıin mámlúkterdiń eki áýleti bılegen
ASTANA. 20 qazan. QazAqparat - Mysyrdy mámlúkterdiń eki áýleti bılegen: Bahrlar (túrkiler) - 1250-1390 jyldar, býrdjalar (kavkazdyqtar) - 1390-1517 jyldar aralyǵyna saı keledi.
Dese de, túrkiden shyqqan sultandar 1516 jylǵa deıin Mysyr memleketiniń sultandyǵyna saılanyp otyrǵan. Túrkilerden shyqqan elge belgili sultandar mynalar: Aıbek (1250-1257), Beıbarys (1260-1277), Kalaýn (1279-1290) Barsbeı (1422-1438), Gýrı (1501-1516). Aıbek pen Beıbarystyń sultandyǵy aralyǵynda (1257-1260) Baıǵush pen Qutuz bılik etken. 1516 -1517 jyldary túrik sultany Selım І Sırııa, Egıpet pen Palestınany jaýlap alyp, mámlúkterdiń ústemdigin joıdy. Túrikterdiń jaýlap alýynan soń Mysyrdaǵy jerdiń bir bóligi mámlúkterdiń bıliginde qaldy. Mámlúkter Kaırdegi túrik pashasyna alym tólep turýǵa mindettendi. XVII ǵasyrdyń sońynda Osman ımperııasynyń álsireýi mámlúkterdiń óz bıligin qalpyna keltirýine múmkindik berdi (1711-1798), dep jazady «Alash aınasy» basylymy.
