Mysyrdan ushyp kelgen qazaqstandyqtan koronavırýs anyqtaldy

NUR-SULTAN. qazAqparat - 26 aqpanda Qazaqstan aýmaǵyna Latvııa, Qytaı, Shrı-Lanka, BAÁ, Mysyr, Túrkııa, Armenııa, Grýzııa, Reseı, Belarýs, Ózbekstan jáne Qyrǵyzstannan 27 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, bir táýlikte elimizge barlyǵy 3 633 jolaýshy ushyp keldi. Onyń 3 294-inde koronavırýsqa PTR-testileýdiń teris nátıjesi bar anyqtama bolǵan. Qalǵan 339-y PTR-anyqtamasyz kelgen, barlyǵy da Qazaqstan azamattary.

Atap aıtqanda:

- Almaty qalasynyń áýejaıyna – 13 reıs, 2 270 jolaýshy, anyqtamamen - 2 052, anyqtamasyz - 218;

- Nur-Sultan qalasynyń áýejaıyna – 10 reıs, 1 260 jolaýshy, anyqtamamen - 1 139; anyqtamasyz - 121;

- Aqtaý qalasynyń áýejaıyna – 2 reıs, 87 jolaýshy anyqtamamen kelgen;

- Qaraǵandy qalasynyń áýejaıyna – 2 reıs, barlyq 16 jolaýshy anyqtamamen kelgen.

Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

Sondaı-aq málim etilgendeı, 25 aqpanda shetelden anyqtamasyz kelgen Qazaqstannyń 496 azamatynyń koronavırýsqa test nátıjeleri daıyn bolǵan. Oǵan sáıkes, «Sharm-el-Sheıh – Nur-Sultan» reısindegi 1 jolaýshydan koronavırýs ınfektsııasy anyqtaldy.