Mysyrdan ushyp kelgen 4 qazaqstandyqtan koronavırýs anyqtaldy

NUR-SULTAN. QazAqparat - 15 naýryzda Qazaqstan aýmaǵyna Maldıv, BAÁ, Túrkııa, Reseı, Belarýs, Ózbekstan jáne Qyrǵyzstannan 20 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń málimetinshe, bir táýlikte elimizge barlyǵy 2 450 jolaýshy ushyp keldi. Onyń 2300-inde koronavırýsqa PTR-testileýdiń teris nátıjesi bar anyqtama bolǵan. 150-i anyqtamasyz kelgen, barlyǵy da - QR azamattary.

Atap aıtqanda:

- Almaty qalasynyń áýejaıyna – 10 reıs, 1 367 jolaýshy, anyqtamamen – 1 302, anyqtamasyz - 65;

- Nur-Sultan qalasynyń áýejaıyna – 6 reıs, 531 jolaýshy, anyqtamamen - 500; anyqtamasyz - 31;

- Aqtaý qalasynyń áýejaıyna – 2 reıs, barlyq 288 jolaýshy anyqtamamen kelgen;

- Qaraǵandy qalasynyń áýejaıyna – 1 reıs, 138 jolaýshy, anyqtamamen - 84; anyqtamasyz - 54;

- Shymkent qalasynyń áýejaıyna – 1 reıs, barlyq 126 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi komıtetten.

Sondaı-aq 14 naýryz kúni shetelden anyqtamasyz kelgen Qazaqstannyń 793 azamatynyń PTR-test nátıjesi daıyn bolǵan. Olarǵa sáıkes, «Sharm el-Sheıh – Nur-Sultan» reısimen kelgen 4 jolaýshydan koronavırýs ınfektsııasy anyqtaldy.