Mysyrdan ushatyn reısterdiń keshiktirilý sebebi aıtyldy
ATYRAÝ. Qazaqparat - Mysyrdan Qazaqstanǵa ushatyn Sanday Airlines charterlik reısterdiń birneshe kúnge keshigýine ushaqtyń synyp qalýy sebep bolǵan, dep habarlaıdy QazAqparat tilshisi.
«Sanday Airlines áýe kompanııanyń parkinde 10 ushaq bar. Sol ushaqtardyń birnen aqaý tabylyp, ushýdan alynyp tastalǵan. Sonyń nátıjesinde birneshe charterlik reıster kestesine ózgerister kelgen. Bul jaǵdaı eń birinshi kezekte Túrkııadaǵy demalýshylardyń kestesine áser etken. Sosyn Mysyrdan ushatyn reısterge áser etti», - dedi EasyTravel týrıstik kompanııanyń basshysy Nuralhan Bısenov.
Buǵan deıin Sharm-esh-Sheıhte 245 qazaqstandyq týrıst usha almaı otyrǵandyǵyn habarlaǵan bolatynmyz.
