Mysyrdan PTR anyqtamasyz ushyp kelgen 38 adam statsıonarǵa jatqyzyldy – Qostanaı

QOSTANAI. QazAqparat – Búgin astana ýaqytymen saǵat 08:52-de Qostanaı qalasyna Mysyr memleketinen «Sharm-el-Sheıh – Qostanaı» baǵyty boıynsha reıs ushyp keldi, dep habarlaıdy QazAqparat.

Oblystyq sanıtarııalyq-epıdemıologııalyq baqylaý departamentiniń baspasóz qyzmeti málimetinshe, ushaq bortynda barlyǵy 188 jolaýshy jáne 7 ekıpaj múshesi bolǵan.

Kelgen jolaýshylardy polıtsııa qyzmetkerleri, epıdemıologtar jáne jedel járdem qyzmetkerleri birge qarsy aldy.

Jolaýshylarǵa termometrııa, saýalnama júrgizildi, PTR-test anyqtamasynyń bar-joǵy tekserildi.

«38 jolaýshyda PTR anyqtama bolmady. Olardyń jaǵdaıy birqalypty. Qazir ushaq jolaýshylary PTR taldaý ádisimen COVID-19-ǵa zerthanalyq tekserý úshin Tobyl qalasynyń karantın gospıtaline ornalastyryldy» delingen vedomstvonyń aqparatynda.