Mysyrdan arnaıy eki reıspen 206 adam shyǵaryldy - Syrtqy ister mınıstrligi
ASTANA. 3 aqpan. QazAqparat - Qazaqstan Respýblıkasynyń Syrtqy ister mınıstrligi men Tótenshe jaǵdaılar mınıstrliginiń birikken is-sharalarynyń arqasynda 1-2 aqpan kúnderi Mysyrda qalyp qoıǵan qazaqstandyqtardyń basym bóligi elge jetkizildi.
«Kaır-Almaty» baǵyty boıynsha arnaıy eki reıspen 206 adam shyǵaryldy. Olardyń ishinde Tájikstannyń úsh azamaty bar, dep habarlady syrtqy saıasat vedomstvosynyń baspasóz qyzmetinen.
Qazaqstannyń Mysyrdaǵy Elshiliginiń qyzmetkerleri otandastarmen baılanys ornatý, elden ketýshilerdiń tizimin jasaý, arnaıy reısterdiń ketýi men kelýin úılestirý, tólqujattyq tekserýden ótkizý men ushaqqa otyrǵyzý sekildi mańyzdy jumystardy atqarýda. Elshiliktiń barlyq dıplomatııalyq quramy men birqatar tehnıkalyq qyzmetkerleri (barlyǵy 12 adam) Kaır qalasyndaǵy óz jumys oryndarynda, olar belgili bir sebeptermen Mysyrda qalǵan azamattarymyzdy elge qaıtarý jumystarymen aınalysýda. Qajettilik týǵan jaǵdaıda, Qazaqstan jaǵy tıisti kómek kórsetý úshin dostas memlekettermen baılanysta bolady.
Mysyrda qalyptasqan ahýaldy eskere otyryp Syrtqy ister mınıstrligi qazaqstandyqtarǵa jaǵdaı rettelgenge deıin ol elge barýdan bas tarta turý jónindegi keńesin 14 aqpanǵa deıin uzartyp otyr.
