Mysyrdaǵy jaǵdaıdyń saldarynan shıpajaılarǵa týrıstik joldamalar 100-200 eýroǵa qymbattady
ASTANA. 7 aqpan. QazAqparat- Mysyrǵa saıahattaýǵa tıym salynýynyń saldarynan Reseı týrıstik operatorlary ózge shıpajaılarda demalý baǵasyn 10-15 paıyzǵa nemese 100-200 eýroǵa qymbattatty, dep jazady "Vedomostı".
Mysyrdaǵy buqaralyq úkimetke qarsy tártipsizdikter saldarynan, bir apta buryn týrıstik operatorlar bul elge joldama satýdy toqtatqanyn eske salamyz. Týrısterge saıahatty ne keshteý merzimge kóshirýge, ne ózge elderge aýystyrýǵa usynys jasaldy.
Degenmen aýystyrý áldeqaıda qymbattaý. Eger Mysyrǵa bir aptalyq joldama otandyq demalýshylarǵa 600-700 dollarǵa túsetin bolsa, BAÁ jáne Taıland elderine dál osyndaı demalys kem degende 1100-1300 dollar shyǵyndy qajet etedi.
