Mysyrdaǵy teraktilerdi jasaǵan kimder
ÁBÝ-DABI. QazAqparat - Jeksenbi kúni Mysyrda jankeshti lańkester eki shirkeýde jarylys jasady. «QazAqparat» HAA menshikti tilshisiniń habarlaýynsha, lańkesterdiń aty-jóni Ábý Ysqaq ál-Masrı jáne Ábý ál-Baraa ál-Masrı ekeni anyqtaldy.
Ábý Ysqaq ál-Masrı Aleksandrııadaǵy hrıstıandyq shirkeýde terakt jasaǵan. Ol 1990 jyly qyrkúıek aıynda Manıata Al-Kamda dúnıege kelgen. Saýda bakalavry dárejesin alǵan. Onyń Kýveıtte tórt aı esepshi bolyp jumys istep, Túrkııaǵa attanǵany belgili. Odan keıin 2013 jyldyń 26 jeltoqsanynda Sırııaǵa attanǵan. Keıinirek, Sınaıǵa qaıta oralǵan.
Mysyrdyń Tanta qalasyndaǵy shirkeýde bolǵan ekinshi teraktini Ábý ál-Baraa ál-Masrı jasaǵan. Ol 1974 jyly 13 jeltoqsanda Kafr-el-Sheıhtegi Ábý-Tabel qalasynda týǵan. Orta bilim týraly dıplomy bar, úılengen jáne úsh balasy bar.
2013 jyldyń 15 tamyzynda Ábý ál-Baraa Sırııaǵa attanǵan, keıinirek Lıvanǵa ketip, qaıtadan Sırııaǵa oralǵan.
Eki bomba jarylysy Mysyrdyń kopt shirkeýlerinde bolyp, eń kemi 44 adamnyń ómirin jalmady jáne júzden astam adamnyń densaýlyǵyna zaqym keltirdi.
