Mysyrdaǵy prezıdenttik saılaýda jeńiske jetken Mohammed Mýrsı «Musylman baýyrlar» qatarynan shyqty
ASTANA. 25 maýsym. QazAqparat - Hosnı Múbárak «taǵynan» túsirilgennen keıin birinshi ret ótken prezıdenttik saılaýda jeńiske jetken Mohammed Mýrsı, daýys berýdiń sońǵy qorytyndylary jarııalanǵan soń «Musylman baýyrlar» ıslamdyq qozǵalysynyń qatarynan jáne onyń saıası qanaty - Bostandyq jáne ádilettik partııasynan shyqty, dep habarlady RosBıznesKonsaltıng.
Halyqqa teledıdar arqyly úndeýinde M.Mýrsı «barlyq mysyrlyqtardyń prezıdenti» bolatynyna ýáde berdi, dep habarlady «Bostandyq» radıosynan. Saılanǵan memleket basshysy sondaı-aq, Mysyr barlyq halyqaralyq kelisimderdi qatań ustanatyn bolatyndyǵyn málimdedi.
Budan basqa, M.Mýrsı barlyq talaptar qanaǵattandyrylmaıynsha, revolıýtsııa aıaqtalmaıtyndyǵyn aıtty.
Mysyr OSK-niń málimetterinshe, Mysyr prezıdenti saılaýynyń ekinshi kezeńinde M.Mýrsı 51,7 paıyz daýys, al onyń qarsylasy, burynǵy premer-mınıstr Ahmet Shafık 48,3 paıyz daýys jınady.
H.Múbárak kezinde «Musylman baýyrlar» qozǵalysynyń qyzmetine tyıym salyndy, al onyń júzdegen belsendileri túrmede otyrdy. Atalmysh ıslamdyq qozǵalys Mysyrdaǵy «arab kóktemin» negizgi uıymdastyrýshylardyń qatarynda boldy dep esepteldi. Reseıde ol ekstremıstik lańkestik uıym dep tanyldy.
