Mysyrdaǵy lańkestikti uıymdastyrdy degen kúdikpen 292 adam ustaldy
ASTANA. QazAqparat - Mysyrda Sınaı túbeginde terakt uıymdastyryp, prezıdent Abdel Fattah as-Sısıdi óltirýdi josparlady degen kúdikpen 292 adam áskerı sotqa tartyldy, dep habarlaıdy QazAqparat Rosbalt-qa silteme jasap.
Málim bolǵandaı, aıypqa tartylýshylar «Islam memleketi» (QR-da tyıym salynǵan) qarýly tobymen sybaılas, sońǵy jyldary úkimetke qarsy teraktilerdi óz moıyndaryna alǵan «Sınaı memleketi» tobynyń músheleri bolyp shyqqan.
Buǵan deıin Mysyrdyń Bas prokýratýra qyzmetkerleri el prezıdenti As-Sısıge jasalǵan eki qastandyqtyń jolyn keskeni týraly habarlanǵan edi.
Qylmyskerler jarylǵysh zatty qoldan daıyndaǵan, ol As-Sısı toqtaýy múmkin qonaq úıde jarylýy tıis edi. Sondaı-aq, bas prokýror prezıdentti jankeshti áıeldiń óltirgisi kelgenin atap ótti.
