Mysyrdaǵy lańkestikterge baılanysty qazaqstandyqtarǵa demalys aımaǵynan alshaq ketpeýge keńes berildi
ASTANA. 27 qańtar. QazAqparat - Qazaqstandyqtarǵa Mysardaǵy lańkestik aktilerge baılanysty sol eldegi demalys aımaqtarynan alshaq ketpeýge keńes berildi.
«QR Indýstrııa jáne jańa tehnologııalar mınıstrliginiń Týrızm ındýstrııasy komıteti Mysyrdaǵy demalýshy qazaqstandyqtarǵa asa saq bolyp, demalys aımaqtarynan alysqa ketpeı, lańkestik jáne krımınaldyq jaǵdaı saqtalǵan iri qalalar men aýdandarǵa barmaǵan jón dep taǵy bir eskertedi», - dep jazylǵan Komıtettiń habarlamasynda. Álemdik aqparat agenttikteriniń habarlaýynsha, 24 qańtar kúni Mysyr astanasy men Kaırǵa jaqyn mańdaǵy aýdandarda birneshe lańkestik aktiler oryn aldy. Saldarynan birneshe adam qaza bolyp, ondaǵan adam jaralandy. Qolda bar aqparatqa qaraǵanda, jarylystardyń saldarynan qaza bolǵandardyń arasynda qazaqstandyqtar joq.
