Mysyrdaǵy kólik apatynan 17 adam kóz jumdy
NUR-SULTAN. QazAqparat –Mysyrda shaǵyn avtobýs pen júk kóliginiń soqtyǵysýy saldarynan kem degende 17 adam qaza tapty, dep habarlaıdy QazAqparat The National basylymyna silteme jasap.
Mysyr polıtsııasynyń málimetinshe, oqıǵa Sohag provıntsııasynda bolǵan. Zardap shekkenderge medıtsınalyq kómek kórsetý jáne qaza tapqandardy tasymaldaý úshin oqıǵa ornyna 15 jedel járdem kóligi keldi. Apat saldarynan tórt adam jaraqat alyp, Sohag qalalyq jalpy aýrýhanasyna jetkizildi.
Mysyrda jyl saıyn jol-kólik oqıǵalary saldarynan myńdaǵan adam kóz jumady. Apatqa kóp jaǵdaıda kólik jyldamdyǵyn arttyrý, nashar joldar jáne jol qozǵalysy erejelerin saqtamaý sebep bolady.
Foto: thenationalnews.com
