Mysyrdaǵy kólik apaty: 15 adam qaza taýyp, 15-i jaraqattandy
NUR-SULTAN. QazAqparat - Mysyrda kólik apatynan 15 adam qaza taýyp, taǵy 15-i jaraqat aldy. Bul týraly Al Youm As Sabia portaly habarlady.
Eldiń ońtústigindegi Asýan jáne Edfý qalalarynyń arasyndaǵy kúre jolda jeńil kólik shaǵyn avtobýspen soqtyǵysqan. Apat saldarynan toǵyz adam ajal qushty.
Budan tys, Kaırdiń soltústigindegi Dakahlııa provıntsııasynda da jan túrshigerlik jol apaty bolǵan. Saparǵa shyqqan bir otbasynyń alty múshesi mingen kóliktiń júrgizýshisi rýlge ıe bola almaı, mashına aýdarylyp ketken. Sonyń saldarynan kólik ishindegi alty adamnyń barlyǵy qaza tapty.
