Mysyrdaǵy qazaqstandyq azamattar Tótenshe jaǵdaılar mınıstrliginiń ushaǵymen kóshiriledi
ASTANA. 1 aqpan. QazAqparat - Mysyr Arab Respýblıkasynda qalyptasqan jaǵdaıǵa baılanysty, Prezıdent Nursultan Nazarbaev sol elde qalyp qoıǵan qazaqstandyq azamattarǵa kómek kórsetý týraly tapsyrma berdi.
Syrtqy ister mınıstrliginiń ótinishi boıynsha Tótenshe jaǵdaılar mınıstrligi 1 aqpan kúni saǵat 05.13 mınýtta Almatydan Kaırge Tý-154M áýe laınerin jóneltti. Áýe laıneri Mysyrda qalyp qoıǵan qazaqstandyq azamattaryn alyp shyqpaq.
Ushaq bortynda bilikti dárigerler - Apat medıtsınasy ortalyǵynyń qyzmetkerleri men Tótenshe jaǵdaılar mınıstrligi respýblıkalyq jedel-qutqarý otrıadynyń qutqarýshylary bar.
Ushaq búgin saǵat 11.13-te Kaırge qondy, ol jaqtan 130 qazaqstandyq azamatty kóshirý josparlanýda. Tótenshe jaǵdaılar mınıstrligi Syrtqy ister mınıstrliginiń ótinishi boıynsha, qajet bolǵan jaǵdaıda Qazaqstan azamattaryn kóshirý úshin taǵy bir reıs jasaýdy josparlap otyr.
