Mysyrda júk kemesi Sýets kanalynyń taıaz jerine turyp qaldy
KAIR. QazAqparat - Mysyrdyń soltústiginde ornalasqan El-Kantara qalasynda júk kemesi Sýets kanalynyń taıaz jerine turyp qaldy, dep habarlaıdy QazAqparat Anadolu agenttigine silteme jasap.
Kanalǵa qyzmet kórsetetin LethAgencies kompanııasy býksırler MV Glory júk kemesin ornynan jyljytýǵa tyrysyp jatqanyn habarlady.
65 myń tonna júgeri tıep, Ýkraınadan shyqqan júk kemesi Qytaıǵa bet alǵan bolatyn.Eske salaıyq, 2021 jyldyń jazynda Sýets kanalynda Ever Given megakonteıner kemesi qaıyrǵa turyp qalǵan bolatyn.
Ol kezde kanal boıymen qozǵalys tolyǵymen jabyldy.
Júk kemeleri qatynaıtyn Mysyrdaǵy Sýets kanaly Orta jáne Qyzyl teńizderdi jalǵap tur.
Foto: aa.com.tr
